Loading...

كيفية إدارة الاعمال عن بعد

6 months ago

إزاي تكمّل البيزنس أو النشاط الخاص بيك خلال أزمة الكورونا

الكورونا والبيزنس

كورونا أو حتى غزو فضائي ! اعرف أزي تحمي البيزنس بتاعك في أي ظروف

بسبب الظروف الحالية وانتشار مرض كورونا المستجد وتأثيره الواضح على الاقتصاد في العالم كله واللي شكله لسة مكمل معانا شوية. كل صاحب بيزنس بيفكر لقدّام لازم يكون عامل حسابه كويّس على خطة بديلة يكمّل بيها شغله والبيزنس بتاعه تحت أي ظرف. ومش أي خطة دي لازم تكون خطة مدروسة كويّس وشاملة كل الاتجاهات ودا الحل السليم اللي ممكن يخليه يكمّل في ظل الظروف الحالية إنه يعرف إزاي يفكر في المشكلة من كل أبعادها ويبتكر الحلول اللي تساعده على تقليل المخاطر المحتملة بقدر الإمكان وإنه يفضل مكمّل. ودا اللي هانحاول نتكلم فيه ونشوف مع بعض إيه الحلول اللي ممكن تساعدنا نكمل خلال الظروف الحالية.

الخطة البديلة هى الأساس دلوقتي

لازم تكون مأمّن شغلك من حيث إمكانية النقل والتحرك والإدارة من أي مكان حتى لو من خلال الانترنت ودا مبقاش اختيار دا بقى شيئ إلزامي لكل صاحب عمل ناجح وحابب يفضل على تراك النجاح. لازم تكون مستعد للخطوة دي ولأي ظروف طارئة ممكن تظهر في الفترة الجاية. وفي أدوات كتير جدًا ممكنك تساعدك تعمل دا بسهولة. الأدوات دي هاتساعدك وهاتدعم البيزنس بتاعك وتخليك قادر إنك تتابع كل الموظفين في شركتك وتتابع شغلهم من أي مكان.

إزاي تدوّر البيزنس بتاعك من أي مكان؟

  1. اختار طريقة مناسبة ومتاحة وسهلة للتواصل بينك وبين الفريق بتاعك. ودا ممكن تعمله من خلال تسهيل عملية الاتصال بينكم لأنها أول خطوة ممكن تاخدها في طريق إدارة البيزنس بتاعك من أي مكان.
  2. التكنولوجيا أولًا، إحنا في عصر تكنولوجيا الجيل الخامس والذكاء الاصطناعي والتكنولوجيا اتوجدت عشان تبقى حياتنا وشغلنا كمان أحسن فاتقدر تستخدمها في إنك تحسّن مستوى الشغل وتستفيد منها وكمان تفضل مكمّل.
  3. حدد معايير أساسية تقدر تقيس من خلالها مستوى الكفاءة وتسليم المهمات.
  4. اعمل جدول خاص بكل المقابلات الثابتة لفريق العمل بتاعك عشان تقدر من خلالها تتابع سير العمل وتنفيذ المهمات المطلوبة ودا هايساعدك تنظم الإدارة وكمان تحقق أهداف البيزنس بتاعك.

أدوات تساعدك في إدارة البيزنس من أي مكان

دي مجموعة من الأدوات اللي ممكن تساعدك في إدارة شركتك من مختلف الأبعاد والتحكم في سير العمل والمراحل المختلفة. وتقدر تكون متابع كل اللي بيحصل طول الوقت.

  • أدوات لإدارة وتنظيم العمل:
            -
    Bitrix24, Scoro, Asana  or Everhour
    دي أدوات فعّالة جدًا وهاتسعادك بشكل كبير في في إنك تدير البيزنس بتاعك وشركتك وسير العمل. وأي آداة منهم كفيلة توفرلك مكتب افتراضي متكامل وكإنك في مكتبك بالظبط. وتبقى عارف كويس مين بيعمل إيه. وتقدر كمان تستخدم مع أي واحدة فيهم تطبيقات متنوعة من خلالها.
  • عمل المقابلات والتواصل مع الفريق:
             - 
     GoTo Meeting, Zoom, or Pukka Team or Google hangout

الأدوات دي تقدر من خلالها تعمل مقابلات سواء صوت أو صوت وصورة عن بعد باستخدام الانترنت.

  • إنك تعيّن مهمات للموظفين وتتابع سير المنظومة بتاعتك وتحقيق الأهداف:
             -
    Meister task, Wunderlist or Trello

مجموعة من البرامج هاتساعدك في تخطيط المهمات لكل فرد من أفراد الفريق ومتابعة تنفيهذها خلال المراحل المختلفة.

  • ولو عاوز تعمل Brainstorming وتفكر مع باقي الفريق؟؟
            - عندك
    Bubble.us or Skitch

ودا لو عاوز تفكر بشكل جماعي مع فريقك في خطوة جديدة أو مهمات جديدة أو فكرة عاوز تناقشها معاهم. الأدوات دي هاتسهل عليك المهمة دي من خلال استخدام عناصر وأشكال مرئية متنوعة عشان توصل فكرتك للناس أسرع.

  • وعشان تتواصل أسهل وأسرع:
             -
    Slack, Freshdesk or Jell

ودي أهم الأدوات اللي لازم تكون عارف هاتستخدمها إزاي في التواصل مع الفريق ومتابعتهم دايمًا ودي من أسهل الأدوات المستخدمة في الجانب دا.

  • تخزين الملفات ومشاركتها:
           - عندك أدوات كتير زي
    Dropbox, Google Drive, Microsoft One Drive, pCloud or IDrive

تقدر تستخدم واحدة منهم في مشاركة الملفات وتخزينها والتحكم فيها مع أفراد الفريق.

اللي عاوزين نقوله ونأكد عليه إنك لازم تكون دايمًا عندك Backup وخطة بديلة تساعدك تواجه أي ظروف ممكن تحصل وتأثر على البيزنس بتاعك أو توقع شركتك. ما تسمحش للطروف تتحكم في نجاح البيزنس بتاعك وكون دايمًا متأهب للي ممكن يحصل. شوف المشاكل وابتكر الحلول المناسبة. تابع الجديد دايمًا في مجالك وشوف المنافسين بيعملوا إيه وادرس خطواتهم هل الخطوات دي صح ومناسبة ليك ولا لأ  لأن في البيزنس الخطوات لازم تكون محسوبة.