Loading...

؟Pitch Deck يعني ايه

6 months ago

يعني إيه Pitch Deck؟

أفضل طريقة لعمل العرض التقديمي لفكرتك، إزاي تحصل على تمويل لمشروعك؟

إزاي تعمل عرض تقديمي أو Pitch Deck من غير غلطة!

العرض التقديمي أو الـ Pitch Deck هى عرض مختصر شامل ووافي تقدر تقدم بيه فكرتك سواء لمستثمرين، شركاء جدد أو حتى جمهور معين في حدث ما، ودا في شكل Presentation مختصر بيتكوّن من 10 إلى 20 صفحة مش أكتر.

انت كرائد أعمال، الـ Pitch Deck هي طريقك السحري لإقناع المستثمرين بمشروعك في سبيل الحصول على التمويل اللي مشروعك يحتاجه.

لأنها بتساعد المستثمر أو أي شخص انت حابب توصل له فكرتك في إنه يعرف أكتر عن البيزنس بتاعك ومساره بالشكل اللي يساعدهم في اتخاذ قرار التمويل لمشروعك.

الـ Storytelling طريقك للوصول للمستثمر الصح

العرض التقديمي بتاعك هو الآداء المثالية اللي تقدر من خلالها تحكي قصة مشروعك وفكرتك وإزاي وصلت للمستوى الحالي وإنجازاتك فيها. لأنها بتقدر رؤية واضحة ومنظمة ومختصرة للبيزنس بتاعك وإزاي هو بيعالج مشكلة موجودة بالفعل وبيقدم أفضل الحلول ليها.
كيفية كتابة عرض تقديمي لشركتك

العناصر الأساسية في الـ Pitch Deck 

في آراء كتير في الموضوع دا بتتكلم عن أهم العناصر المهمة اللي لازم تكون موجودة في العرض التقديمي بتاعك وهنا هانحاول إننا نوضح أهم العناصر الرئيسية اللي المفروض تكون موجودة في العرض التقديمي لمشروعك:

١. المقدمة

ودي بتعرف المستثمرين المحتملين أو الجمهور المستهدف أو أي شخص آخر معلومات أكتر عن مشروعك وأفضل طريقة هى إنك تقدمه في شكل قصة مختصرة تجذب الناس إنهم يسمعوا ويعرفوا أكتر عنه.

٢. المشكلة

هنا انت بتركز على المشكلة اللي بيواجهها الناس واللي الخدمة أو المنتج بتاعك بيحلها.

٣. الحل

هنا بقى انت بتقدم الحل اللي هو الخدمة أو المنتج بتاعك وإزاي بيعالج مشكلة موجودة بالفعل في السوق.

٤. الفرص المتاحة وحجم السوق المستهدف

في الجزء دا بتركز على إبراز فرصتك في المنافسة وحجم السوق المستهدف اللي هتنافس فيه.

٥. المنتج

وهنا ييجي دور البطل بتاعك، ابتدي وضح المنتج أو الخدمة مع نموذج يوضح التفاصيل.

٦. عامل الجذب وخطة العمل

دلوقتي تقدر تشرح رؤيتك الخاصة بمشروعك، والمرحلة الحالية من عمر المشروع وأهم الأهداف اللي انت بتشتغل على تحقيقها والمكان اللي انت عاوز توصل له وخطواتك المقبلة.

٧. فريق العمل

هنا بتظهر أبرز أعضاء فريقك ودور كل واحد منهم في البيزنس بتاعك.

٨. المنافسة

في الجزء دا بتوضح أبرز المنافسين الحاليين ليك وإزاي انت بتقدم منتج أو خدمة مختلفة ومتميزة عنهم وفرصتك في السوق.

٩. الجانب المالي

هنا بتتكلم عن المعلومات المالية المتوافقة مع أهداف مشروعك واللي ليها تأثير كبير عليه.

١٠. الاستثمار والتمويل

          هنا بتوضح للمستثمرين المحتملين انت محتاج إيه منهم بالضبط وإزاي الدعم دا هايتم استغلاله في مشروعك والحفاظ على استمراره وكل الأسباب

          المتعلقة بحاجة مشروعك للتمويل.

١١. بيانات التواصل

         هنا بتضيف كل البيانات الخاصة بالتواصل معاك واللي هاتساعد أي شخص في إنه يتواصل معاك بكل سهولة.

5 خطوات لعمل أفضل عرض تقديمي Pitch Deck

  1. ١. اعتمد السهولة والبساطة في توصيل المعلومة بشكل مباشر.
  2. ٢. استخدم أسلوب السرد القصصي لجذب الإنتباه.
  3. ٣. قلل من استخدام اسلوب النقاط في توضيح المعلومات لأن الكتير منها بيسبب الملل.
  4. ٤. لازم تكون الـ Pitch Deck  بتاعتك قصيرة قدر الإمكان بحيث لا تزيد عن 20 صفحة.
  5. ٥. استخدم صيغة PDF في حفظ وإرسال الـ Pitch Deck بتاعتك.

أفضل 7 أدوات لعمل العرض التقديمي Pitch Deck

في أدوات كتير مهمتها إنها تساعدك في تنفيذ أفضل عرض تقديمي أو Pitch Deck  ممكن لشركتك ودي أفضل 7 أدوات للغرض دا

  1. Google Slides
  2. Prezi
  3. Canva
  4. Docsend
  5. Haiku Deck
  6. Slidebean
  7. Sketchdeck